სს „არქიმედეს გლობალ ჯორჯიას“ შვილობილმა კომპანიამ „არქიმედეს კლინიკამ“, ჰოსპიტალური სექტორის განვითარების პროექტის ფარგლებში, კახეთის რეგიონში, კერძოდ ქ. ლაგოდეხში საერთაშორისო სტანდარტების სამედიცინო ცენტრი გახსნა.ჰოსპიტალი აღჭურვილია უახლესი, მაღალტექნოლოგიური აპარატურით და დაკომპლექტებულია მაღალკვალიფიციური პერსონალით: ექიმებმა და მენეჯერებმა 1 წლიანი ტრეინინგის კურსი ისრაელის წამყვან კლინიკებში გაიარეს. პარალელურად, კვალიფიკაციის ამაღლების მიზნით მიმდინარეობდა სხვა მედპერსონალის გადამზადების ეტაპობრივი პროგრამა.

დღეიდან კახეთის რაიონის მოსახლეობას საშუალება ექნება ადგილზე მიიღოს მაღალი ხარისხის ნებისმიერი სახის სამედიცინო მომსახურება.

აღნიშნული პროექტის ფარგლებში სს „არქიმედეს გლობალ ჯორჯიამ“ 2 მილიონი აშშ დოლარის ინვესტიცია განახორციელა და კლინიკაში 124 ადამიანი დაასაქმა.