სადაზღვევო კომპანია "არქიმედეს გლობალ ჯორჯია" ლაგოდეხსა და წნორში სავაადმყოფოებს აშენებს. ლაგოდეხში მშენებარე სამედიცინო დაწესებულებაში შიდასარემონტო სამუშაოები უკვე დასრულებულია. ამჟამად ეზოს მოპირკეთება მიმდინარეობს, სამუშაოები პირველ დეკემბერს დასრულდება. როგორც "რადიოქალაქს" "არქიმედეს გლობალ ჯორჯიას" კახეთის პროექტების მენეჯერმა ვახტანგ გუჯაბიძემ განუცხადა, წნორის საავადმყოფოს გახსნა 2012 წლის პირველ მარტს იგეგმება. საავადმყოფოებში მუშაობის მსურველთათვის ტრენინგები უკვე მიმდინარეობს, ისინი ტესტირების წარმატებით გავლის შემდეგ დასაქმდებიან.